• Thu. Jan 27th, 2022

Desh Punjab Times

Leading South Asian Newspaper of BC

ਸੀਐੱਮ ਕੇਜਰੀਵਾਲ ਦਾ ਐਲਾਨ, ਕੋਰੋਨਾ ਨਾਲ ਹੋਈ ਹੈ ਮੌਤ ਤਾਂ ਪਰਿਵਾਰ ਨੂੰ ਮਿਲੇਗੀ 50 ਹਜ਼ਾਰ ਰੁਪਏ ਦੀ ਆਰਥਿਕ ਮਦਦ

BySunil Verma

Jul 6, 2021

ਨਵੀਂ ਦਿੱਲੀ : ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ (Arvind Kejriwal) ਨੇ ਕੋਰੋਨਾ ਮਹਾਮਾਰੀ ਕਾਰਨ ਜਾਨ ਗਵਾਉਣ ਵਾਲੇ ਲੋਕਾਂ ਦੇ ਪਰਿਵਾਰ ਨੂੰ ਆਰਥਿਕ ਮਦਦ ਦੇਣ ਦੀ ਮੁਹਿੰਮ ਦੀ ਸ਼ੁਰੂਆਤ ਮੰਗਲਵਾਰ ਨੂੰ ਕੀਤੀ ਹੈ। ਇਸ ਦਾ ਨਾਂ ‘ਮੁੱਖ ਮੰਤਰੀ ਕੋਵਿਡ-19 ਪਰਿਵਾਰ ਆਰਥਿਕ ਸਹਾਇਤਾ ਯੋਜਨਾ’ ਹੈ। ਮੁਹਿੰਮ ਦਾ e-district portal ਲਾਂਚ ਕੀਤਾ ਗਿਆ। ਇਸ ’ਤੇ ਹੀ ਮੁਆਵਜ਼ੇ ਤੇ ਪੈਨਸ਼ਨ ਲਈ ਅਪਲਾਈ ਹੋ ਸਕੇਗਾ। ਇਸ ਦੌਰਾਨ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਅਸੀਂ ਸਾਰੇ ਲੋਕ ਜਾਣਦੇ ਹਾਂ ਕਿ ਕਿਸ ਤਰ੍ਹਾਂ ਨਾਲ ਪਿਛਲੇ ਡੇਢ ਸਾਲ ਤੋਂ ਪੂਰੀ ਮਨੁੱਖੀ ਜਾਤੀ ਕੋਰੋਨਾ ਤੋਂ ਪੀੜਤ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਿਰਫ਼ ਭਾਰਤ ਹੀ ਨਹੀਂ ਪੂਰੀ ਦੁਨੀਆ ’ਤੇ ਇਸ ਦਾ ਪ੍ਰਕੋਪ ਹੈ। ਸਾਡੇ ਦੇਸ਼ ’ਚ ਦੋ ਲਹਿਰਾਂ ਆ ਚੁੱਕੀਆਂ ਹਨ। ਪਹਿਲੀ ਲਹਿਰ ਪਿਛਲੇ ਸਾਲ ਤੇ ਦੂਜੀ ਇਸ ਸਾਲ ਅਪ੍ਰੈਲ ਦੇ ਮਹੀਨੇ ’ਚ ਦੇਸ਼ ਲਈ ਦੂਜੀ ਲਹਿਰ ਆਈ ਪਰ ਦਿੱਲੀ ਦੇ ਲਈ ਇਹ ਚੌਥੀ ਲਹਿਰ ਸੀ। ਦਿੱਲੀ ਦੀ ਚੌਥੀ ਲਹਿਰ ਬਹੁਤ ਜ਼ਿਆਦਾ ਗੰਭੀਰ ਸੀ। ਬਹੁਤ ਜ਼ਿਆਦਾ ਲੋਕ ਇਸ ਤੋਂ ਇਨਫੈਕਟਿਡ ਹੋਏ। ਸ਼ਾਇਦ ਹੀ ਕੋਈ ਪਰਿਵਾਰ ਅਜਿਹਾ ਬਚਿਆ ਹੋਵੇਗਾ ਜੋ ਕੋਰੋਨਾ ਇਨਫੈਕਟਿਡ ਨਾ ਹੋਇਆ ਹੋਵੇ ਤੇ ਦੂਜਾ ਇਸ ’ਚ ਬਹੁਤ ਸਾਰੇ ਲੋਕਾਂ ਦੀ ਜਾਣ ਚੱਲੀ ਗਈ ਸੀ।

Leave a Reply

Your email address will not be published.