ਮੁਬਈ: ਸੈਲੇਬਸ ਨੂੰ ਵੀ ਆਪਣੇ ਪਾਰਟਨਰ ਦੀ ਤਲਾਸ਼ ਰਹਿੰਦੀ ਹੈ। ਕਦੇ ਉਨ੍ਹਾਂ ਨੂੰ ਆਪਣਾ ਜੀਵਨ ਸਾਥੀ ਬਹੁਤ ਜਲਦੀ ਮਿਲ ਜਾਂਦਾ ਹੈ ਤੇ ਕਦੇ ਉਹ ਆਪਣੀ ਜ਼ਿੰਦਗੀ ਦਾ ਪਿਆਰ ਲੱਭਣ ਲਈ ਨੈਸ਼ਨਲ ਟੀਵੀ ਦਾ ਸਹਾਰਾ ਲੈਂਦੇ ਹਨ। ਦੱਸ ਦਈਏ ਕਿ ਕਈ ਸੈਲੇਬਸ ਨੇ ਆਪਣੇ ਲਾਈਫ ਪਾਟਨਰ ਲੱਭਣ ਲਈ ਸਵੰਬਰ ਵੀ ਰਚਾਏ ਹਨ। ਬੇਸ਼ੱਕ ਫਿਰ ਉਨ੍ਹਾਂ ਦਾ ਇਹ ਤਰੀਕਾ ਕੁਝ ਖਾਸ ਨਹੀਂ ਚੱਲਿਆ ਪਰ ਟੀਵੀ ਇੰਡਸਟਰੀ ਵਿੱਚ ਸਟਾਰਸ ਦੇ ਸਵੰਬਰ ਹਮੇਸ਼ਾ ਚਰਚਾ ਵਿੱਚ ਰਹੇ ਹਨ।
ਇਸ ਦੇ ਨਾਲ ਹੀ ਖ਼ਬਰ ਹੈ ਕਿ ਰਾਖੀ ਸਾਵੰਤ ਤੇ ਰਤਨ ਰਾਜਪੂਤ ਤੋਂ ਬਾਅਦ ਹੁਣ ਗਾਇਕ ਮੀਕਾ ਸਿੰਘ ਆਪਣਾ ਜੀਵਨ ਸਾਥੀ ਲੱਭਣ ਲਈ ਇਹੀ ਰਾਹ ਅਪਣਾਉਣ ਜਾ ਰਹੇ ਹਨ। ਜੀ ਹਾਂ, ਹੁਣ ਮੀਕਾ ਸਿੰਘ ਰਿਐਲਿਟੀ ਸ਼ੋਅ ਰਾਹੀਂ ਆਪਣੀ ਦੁਲਹਨ ਦੀ ਭਾਲ ਕਰਨ ਜਾ ਰਹੇ ਹਨ। ਉਹ ਟੀਵੀ ‘ਤੇ ਆਪਣਾ ਸਵੰਬਰ ਕਰਨ ਜਾ ਰਿਹਾ ਹੈ।
